Mae dysgu gydol oes yn newid bywydau. Ysbrydolwch ni a rhannu eich stori.

Mae enwebiadau wedi agor gyfer Gwobrau Ysbrydoli! Addysg Oedolion 2026

Caiff y gwobrau blynyddol eu trefnu gan y Sefydliad Dysgu a Gwaith mewn partneriaeth gyda Llywodraeth Cymru a maent yn dathlu llwyddiannau eithriadol unigolion a phrosiectau cymunedol yng Nghymru sy’n dangos angerdd, ymroddiad ac egni rhagorol i’w gwella eu hunain a’u cymuned drwy ddysgu gydol oes. Bydd y seremoni wobrwyo yn uchafbwynt yn ymgyrch flynyddol yr Wythnos Addysg Oedolion.

Bydd enwebiadau llwyddiannus yn dangos yn glir fuddion dysgu gydol oes ar gyfer unigolion a chymunedau a gwerth buddsoddi mewn cyfleoedd sy’n newid bywydau, gan roi enghreifftiau grymus ar gyfer dysgwyr y dyfodol ledled Cymru.

Gofynnir i chi gyflwyno eich enwebiadau erbyn y dyddiad cau: dydd Gwener 17 Ebrill 2026

Categorïau Gwobrau 2026

• Gwobr Sgiliau Gwaith
• Gwobr Oedolyn Ifanc
• Gwobr Newid Bywyd
• Gwobr Sgiliau Bywyd Hanfodol
• Gwobr Dysgu ar gyfer Iechyd Gwell
• Gwobr Heneiddio’n Dda
• Gwobr Siaradwr Newydd
• Gwobr Rhannu Dyfodol
• Gwobr Hywel Francis am Effaith Gymunedol
• Gwobr Llais Dysgwyr

Meini prawf Gwobrau Ysbrydoli!:

• Mae’n rhad ac am ddim i enwebu ac mae ar agor i unigolion a sefydliadau sy’n byw ac yn gweithio yng Nghymru.
• Gall dysgu fod ag achrediad neu beidio a gall ddigwydd mewn amrywiaeth o leoliadau, yn cynnwys gweithleoedd, sefydliadau addysg uwch, colegau addysg bellach, llwyfannau ar-lein, yn y cartref ac mewn cymunedau lleol.
• Mae Dysgu a Gwaith yn ymroddedig i gefnogi cydraddoldeb ac amrywiaeth a gwella mynediad i addysg ar gyfer pob grŵp. Croesawn enwebiadau ar gyfer pobl o bob cefndir a gyda phob math gwahanol o brofiadau bywyd a galluoedd.
• Gall unrhyw un 16 oed neu drosodd enwebu/cael eu henwebu ar gyfer Gwobr Ysbrydoli!, gweler y canllawiau ar bob categori.
• Rhaid i’r sawl a gaiff eu henwebu ar gyfer categorïau unigol gael eu henwebu gan berson arall – gallai hyn fod yn gyfaill, mentor, cydweithiwr, aelod o deulu neu gyflogwr sy’n adnabod y sawl a enwebir yn dda.
• Dylai enwebiadau ar gyfer categorïau prosiect gael eu hysgrifennu gan dîm neu arweinydd prosiect a’i gymeradwyo gan uwch reolwr neu ganolwr sy’n adnabod y ddarpariaeth yn dda. Rydym hefyd yn croesawu datganiadau gan ddysgwyr a rhai sy’n gweithio yn y prosiect i gefnogi’r enwebiad.

Os oes gennych unrhyw gwestiynau am Wobrau Ysbrydoli! neu os oes angen cymorth arnoch, cysylltwch â inspire@learningandwork.org.uk.

Ewch ati i enwebu

Lawrlwythwch ein Canllawiau a’r Ffurflen Enwebu

Ffurflen enwebu ar-lein

Os yw’n well gennych, gallwch lenwi ein ffurflen enwebu ar-lein – gallwch gadw eich gwaith ar hyn o bryd yn defnyddio’r botwm cadw ar waelod pob tudalen o’r ffurflen ar-lein.

Cwrdd ag enillwyr gwobrau 2025

Cewch eich ysbrydoli gan eu teithiau wrth iddynt rannu sut mae addysg wedi newid eu bywydau, cynyddu eu hyder ac agor drysau i gyfleoedd newydd.

Ewch i straeon

Ewch i blatfform Wythnos Addysg Oedolion

Darganfod mwy