Paid stopio dysgu

Mae Wythnos Addysgwyr Oedolion yn ymgyrch flynyddol sy’n ysbrydoli oedolion i gymryd cam yn ôl i ddysgu er mwyn gwella eu hyder a’u lles, newid gyrfaoedd a symud ymlaen yn y gwaith, darganfod hobïau newydd a chysylltu â phobl eraill neu i geisio cyngor ac arweiniad ar y llwybrau presennol sydd ar gael iddynt.

Cyflawnir hyn trwy gydweithio â’n partneriaid ymgyrch ar draws y sector ar hyrwyddo digwyddiadau ar-lein, byw ac wyneb yn wyneb, cyrsiau, sesiynau blasu, diwrnodau agored, adnoddau a chyngor ac arweiniad gyrfaoedd.

Mae gweithgaredd cydlynol yn cael ei arwyddo trwy ein gwefan Wythnos Addysgwyr Oedolion a gwefan Cymru’n Gweithio drwy gydol mis Medi gyda ffocws ar ddigwyddiadau arbennig sy’n digwydd yn ystod wythnos yr ymgyrch.

Ymuno â’n rhwydwaith o bartneriaid

Gyda’n gilydd gallwn gynyddu’r sylw i ddysgu gydol oes a’r momentwm yng Nghymru ac ysbrydoli mwy o oedolion i symud ymlaen yn hyderus i fywydau gwell a mwy bodlon. Rydym eisiau gweithio gyda chi i hyrwyddo eich darpariaeth a chysylltu gyda chynulleidfaoedd newydd a phresennol drwy gynnig cyfleoedd i ddysgu a chyfeirio’n well at wybodaeth ac arweiniad.

Sut i gymryd rhan

• Cynnal digwyddiad neu gwrs. Darparu cyfleoedd dysgu ar-lein neu wyneb i wyneb ar gyfer oedolion drwy gydol mis Medi – cofrestrwch eich gweithgareddau ar wefan ymgyrch yr Wythnos Addysg Oedolion.
• Hyrwyddo eich darpariaeth: Rhannu gwybodaeth ar y cyfleoedd presennol neu gyfleoedd sydd ar y gweill a’r llwybrau sydd ar gael i oedolion i ail-hyfforddi a chynyddu eu sgiliau.
• Rhoi sylw i’ch gwaith: Rhannu eich ymchwil, ysgrifennu erthygl neu brofi syniadau newydd i godi proffil addysg oedolion yng Nghymru.
• Dathlu dysgwyr: Rhannu straeon oedolion sy’n ddysgwyr a’u llwyddiannau.
• Ymuno yn y sgwrs ar y cyfryngau cymdeithasol: Bod yn rhan o’r dathliad cenedlaethol a’r sgwrs am ddysgu gydol oes. Tagiwch ni yn eich holl weithgareddau ar-lein, gan ddefnyddio hashnod #paidstopiodysgu #wythnosaddysgoedolion- rydym ar X, LinkedIn, Facebook a Instagram.

Os oes gennych unrhyw gwestiynau am yr ymgyrch, cysylltwch â: alwevents@learningandwork.org.uk.

Neges Wythnos Addysgwyr Oedolion Michael Sheen

Llwyfan Wythnos Addysg Oedolion

Ewch i lwyfan yr Wythnos Addysg Oedolion i gael mwy o wybodaeth – dod o hyd i ddigwyddiadau ar-lein, cyrsiau ac adnoddau, straeon i ysbrydoli, podlediadau, blogiau, gwybodaeth i ddarparwyr a mwy.

Llwyfan Wythnos Addysg Oedolion

Cronfa Arloesi yr Wythnos Addysg Oedolion

Mae’r Gronfa Arloesi ar gael ar gyfer darparwyr addysg oedolion yng Nghymru sy’n dymuno cyflwyno gweithgareddau yn y gymuned, digwyddiadau hyrwyddo neu sesiynau blasu ar-lein ar gyfer wythnos yr ymgyrch a thrwy gydol mis Medi.

 

Mae ceisiadau ar gau ar hyn o bryd a byddant yn agor yn 2026.

Ariennir gan