Cafodd gwasanaeth Aelod o’r Senedd a chyn-weinidog sy’n ymddeol yn yr etholiad ar 7 Mai ei gydnabod gyda gwobr am ei gyfraniad eithriadol i ddysgu gydol oes.
Cyflwynwyd y wobr i John Griffiths, AS Llafur Dwyrain Casnewydd, yn seremoni Gwobrau Ysbrydoli! Tiwtoriaid 2026 a gynhaliwyd yn y Senedd ym Mae Caerdydd nos Fawrth, digwyddiad a noddwyd ganddo.
Mae wedi gwasanaethu’r Senedd ers ei ffurfio yn 1999 y cynnwys mewn gwahanol swyddi fel gweinidog ac mae’n gadeirydd y Grŵp Trawsbleidiol ar Addysg Bellach a Sgiliau.
Caiff Gwobrau Ysbrydoli! Tiwtoriaid eu cydlynu gan y Sefydliad Dysgu a Gwaith mewn partneriaeth â Llywodraeth Cymru a maent yn cydnabod tiwtoriaid eithriadol sy’n mynd yr ail filltir i rymuso oedolion sy’n ddysgwyr, trawsnewid bywydau a chryfhau cymunedau.
Cafodd chwe tiwtor eithriadol o bob rhan o Gymru eu cydnabod yn y seremoni wobrwyo. Caiff tiwtoriaid eu hanrhydeddu am eu gwaith ar draws Addysg Uwch, Addysg Bellach, gweithleoedd, Addysg Gymunedol a Cymraeg i Oedolion.
Dywedodd Mr Griffiths: “Roedd yn wych cael y wobr annisgwyl yma gan y Sefydliad Dysgu a Gwaith ac i fod yn rhan o’r noswaith gyda’r tiwtoriaid, a gafodd hefyd eu cydnabod.
“Mae’n golygu mwy fyth oherwydd fy mhrofiadau fy hun o ddychwelyd i addysg bellach ac addysg uwch fel myfyriwr aeddfed, yn gyntaf yn yr hyn oedd bryd hynny yn Goleg Nash yng Nghasnewydd.
“Wrth i fy nghyfnod yn y Senedd dynnu at y terfyn, rwyf wirioneddol wedi gwerthfawrogi’r gwaith a wnes gyda’r Sefydliad Dysgu a Gwaith a’r sector addysg oedolion yn ehangach. “Mae Cymru yn genedl falch o ddysgu gydol oes a gobeithiaf y bydd y seithfed Senedd a Llywodraeth nesaf Cymru yn parhau â’r ymroddiad i addysg ail gyfle o’r radd flaenaf.”
Canmolodd diwtoriaid am helpu dysgwyr i ddatblygu’r sgiliau maent eu hangen i sicrhau swyddi safon uchel i gefnogi economi Cymru a chydlyniaeth y gymuned.
“Mae Cymru yn dymuno bod yn genedl dysgu gydol oes ac mae ei thiwtoriaid, dysgwyr a sefydliadau gwych yn gwneud hynny’n bosibl,” ychwanegodd. Mae’r gwobrau hyn mor bwysig wrth gydnabod yr holl safon, gwerth a llwyddiannau.”
Diolchodd Michelle Matheron, Cyfarwyddwr Cymru y Sefydliad Dysgu a Gwaith, i Mr Griffiths am ei gefnogaeth faith yn hyrwyddo addysg oedolion.
“Ar hyd ei yrfa yng ngwleidyddiaeth Cymru mae John bob amser wedi defnyddio ei brofiadau personol ei hun o addysg oedolion i hyrwyddo dysgu gydol oes ac eirioli dros gyfleoedd addysgol i bawb,” meddai. “Bu’r Sefydliad Dysgu a Gwaith a llawer o gyrff eraill ar draws y trydydd sector yn ogystal â dysgwyr a thiwtoriaid ar draws Cymru ar eu hennill oherwydd ei gefnogaeth a’i gyfraniad cadarnhaol.”
“Ar hyd ei yrfa yng ngwleidyddiaeth Cymru mae John bob amser wedi defnyddio ei brofiadau personol ei hun o addysg oedolion i hyrwyddo dysgu gydol oes ac eirioli dros gyfleoedd addysgol i bawb,” meddai.
“Bu’r Sefydliad Dysgu a Gwaith a llawer o gyrff eraill ar draws y trydydd sector yn ogystal â dysgwyr a thiwtoriaid ar draws Cymru ar eu hennill oherwydd ei gefnogaeth a’i gyfraniad cadarnhaol.”
Wedi ei eni yng Nghasnewydd, mae gan Mr Griffiths radd yn y gyfraith a diploma mewn seicoleg gan Brifysgol Cymru, Caerdydd. Bu’n gweithio fel darlithydd mewn addysg bellach ac addysg uwch cyn dod yn gyfreithiwr, cyn ei ethol i Gynulliad Cenedlaethol Cymru yn 1999.
Gwasanaethodd yn flaenorol fel Gweinidog Diwylliant a Chwaraeon, Gweinidog Adnoddau Naturiol a Gweinidog yr Amgylchedd a Chynaliadwyedd yn Llywodraeth Cymru.
Cyn hynny, gwasanaethodd fel Cwnsel Cyffredinol, Dirprwy Weinidog Addysg, Dirprwy Weinidog Iechyd a Gwasanaethau Cymdeithasol a Dirprwy Weinidog Datblygu Economaidd.
Cysylltwch â’n swyddfa wasg
