Mae dysgu fel teulu yn newid bywydau. Pan fo cyfleoedd dysgu ar gyfer oedolion wedi eu cysylltu gydag addysg plant yn y teulu, dengys tystiolaeth fod hynny yn meithrin cymhelliant, hyder ac ymroddiad i ddysgu.
Mae’n neilltuol o effeithlon fel dull i gyrraedd ac ymgysylltu ag oedolion a gafodd y budd lleiaf o’u haddysg ddechreuol, sydd â llai o gymwysterau a heb fawr o brofiad o waith cyflog. Fel dull ymgysylltu, mae dysgu fel teulu yn datblygu sgiliau a llwybrau i fwy o ddysgu a chyflogaeth.
Mae gan ddysgu fel teulu draddodiad cyfoethog yng Nghymru. Mae diddordeb o’r newydd ymysg
gwneuthurwyr polisi, ysgolion a’r sector addysg oedolion mewn datblygu ac ehangu darpariaeth i
ymateb i’r cyfleoedd a’r heriau a wynebwn heddiw.
Datblygu fframwaith ar gyfer Dysgu Teuluol
Mae Llywodraeth Cymru yn cydnabod potensial dysgu fel teulu i helpu wrth fynd i’r afael ag anfantais addysgol ac anghydraddoldeb parhaus mewn cyflogaeth a phrofiadau a deilliannau bywyd yn ehangach. Mae’n ymroddedig i gefnogi mabwysiadu’r dull addysgol neilltuol a thrawsnewidiol hwn yn fwy eang.
Mae’r fframwaith yn rhoi model hyblyg ar gyfer darparwyr addysg oedolion ac ysgolion nad ydynt yn ymwneud ar hyn o bryd â chyflenwi dysgu fel teulu a hoffai ei sefydlu yn eu hymarfer. Mae’n anelu i gryfhau rôl dysgu fel teulu fel llwybr i ddysgu gydol oes, datblygu sgiliau, cyflogadwyedd a chyfleoedd cyflogaeth ar gyfer oedolion a phlant.
Fframwaith Dysgu fel Teulu
Mae’r Fframwaith Dysgu fel Teulu yn fodel hyblyg a gynlluniwyd i helpu
darparwyr addysg oedolion ac ysgolion i gynnwys dysgu fel teulu yn eu rhaglenni.
Ei nod yw hybu dysgu fel teulu fel llwybr ar gyfer dysgu gydol oes, datblygu
sgiliau, cyflogadwyedd a chyfleoedd swydd ar gyfer oedolion a phlant.
